یوللادئم جبهَه یَه الی خئنالئ
قایئتدون زامان سئز
قانا بویالئ
یارالئ جسموندن
باشون آرالئ
یارالئ جانووا
بو جانئم قوربان
قوی
اؤپوم قوروموش دوداقلاروندان
قان ایچینده
اوزن یاناقلاروندان
چیلیک تک دوغرانان
بوداقلاروندان
یارالئ جانووا بو جانئم
قوربان
وطنین داشئنئ سینه وه ووردون
یوردووون
اوغروندا جانووو وئردون
دوشمنین
گؤزونه اوخ کیمی
گیردون
یارالئ
جانووا بو جانئم
قوربان
آنا
تک تورپاغئ مقدّس
بیلدون
اؤنونده دیز چؤکوب دؤرت قات اییلدون
بؤلونمه
سین دئیه ، باغرووو بؤلدون
یارالئ جانووا
بو جانئم قوربان
باغلاما گؤزووو
دور آیاغا دور!
سارئلئم کسیلمیش
بوغازونا بیر
آچ اللرووی
گل! قوجاغئما گیر
یارالئ جانووا
بو جانئم قوربان
یونس کریمی 88/02/15 
امیدوارم که این شعر ناقابل مورد قبول درگاه حق قرار گیرد این شعر را تقدیم میکنم به روح پر فتوح شهدای جنگ تحمیلی ایران و عراق و خانواده معظم آن شهدای وطن
برچسبها:
عکس شهید و شعر شهید و,
تورکو بیر شعر شهیدلره گؤره این شعر تقدیم به تمام ش
+ نوشته شده در ۱۳۹۲/۰۸/۲۸ساعت ۷:۵۹ ب.ظ توسط یونس کریمی
|
زهر ایچسم اگر ساقی ! الوندن منه بالدئر
دولدور قدحی بادۀ گلگونیله دولدئر
تؤک جام مئیوندن منی مست ائیله سراپا
بو شرب شرابون
دئیه سن دردی آزالدئر
آخر گئجه میز دیر ، بو گئجه بیتمَه یَه
ای کاش!
گون چئخمایا ، صوبح اولمویا ، به به ! بو نه حالدئر
دور عاشیق! اوتورما
اوخو بو بزمی آلئشدئر
آل سازووی چال دردیمی
آل ، کی چالاچالدئر
یونس ! یئمه غم سن
بو گئجه اویما اویاق قال
قویما یوخو
آلسئن گؤزونو وقت وصالدئر
یونس کریمی
برچسبها:
شعر ترکی,
اشعار ترکی,
یونس کریمی,
تورکو شعر
+ نوشته شده در ۱۳۹۲/۰۸/۲۵ساعت ۸:۸ ب.ظ توسط یونس کریمی
|
بیر داملا گؤز یاشئ کیمی
گؤزلرونده دوغولایدئم
آخایدئم یاناقلاروندان
دوداغوندا داغئلایدئم
بیر داملا گؤز یاشئ
کیمی
گؤزلروندن سوزوله یدیم
یاناغونون اوستونده شِح
مونجوغو تک اَزیله یدیم
بیر داملا گؤز یاشئ کیمی
گؤزلرونده دورولایدئم
سئوگیله_حسرتله اَنیب
بوغازونا سارئلایدئم
بیر داملا
گؤز یاشئ کیمی
گؤزلرونده دوغولایدئم
بیر داملا گؤز
یاشئ کیمی
گؤزلرونده بوغولایدئم
یونس کریمی
برچسبها:
اشعار ترکی,
تورکو شعرلر,
غملی شعرلر,
عکس عاشقانه یونس کریمی
+ نوشته شده در ۱۳۹۲/۰۸/۱۸ساعت ۱۲:۴۳ ق.ظ توسط یونس کریمی
|
اشیتدیم ائولندین
اسگی سئوگیلیم
سئویندیم اوره کدن
گولدو گؤزلریم
بیر آن دا اوخ کیمی
او کئچن گونلر
ساپلاندئ فیکریمه
دولدو گؤزلریم
تانرئ دان دیله رم
موتلولوق سیزه
بیر لیکده یاشایئب
قوجالاسئز سیز
مندن ده بیر خبر
توتماساز آنجاق
هر زامان حیات دا
اوجالاسئز سیز
اسگی: قدیمی
ساپلانماق:سانجئلماق
دیله مک:آرزو ائتمک
موتلولوق:شادلئق
یونس کریمی
برچسبها:
اشعار ترکی,
تورکو شعرلر,
غملی شعرلر,
عکس عاشقانه یونس کریمی
+ نوشته شده در ۱۳۹۲/۰۸/۱۶ساعت ۱۱:۵۷ ب.ظ توسط یونس کریمی
|
گؤزومدن قطرۀ اشکیم سوزنده گر بو رخساره
گئدون عاشق پرستولر ! دِئیون احوالیمی یاره
دِئیون : حالی پریشاندئر
، اییبدیر قامتین عشقون
دؤزَنمیر هجرووه دای او
، چَکَنمیر صبری افساره
قانادسئز بیر قوشا بنزیر قفسده ، کونج زندان دا
دوشوب مین درده ، درمان یوخ ، تاپانمیر دردینه چاره
سالئب سجّادۀ عشقی ،
دوشوبدور سجدۀ عشقه
چئخئب شهر و دیاریندان
، اولوب غربت
ده آواره
سئنئخ بیر کوزه یه اوخشور ، کی دامجئللئر گؤزوندن یاش
او قدر آغلئر بولود لارتک گؤزوندن یاش دا قورتاره
نه آتش دیرسالئب سان سن؟ کی هردم یاندیریر
باغرئن
خوتون آل بیرجه ای سئوگیل !
ترحّم قئل بو تبداره!
ائلیر مین آرزو یونس یاتایدئ سینَه وین اوسته
اؤپه یدی اول دوداقوندان
، بو سرگردان
بیچاره
قاناد:قانات،قَنَت،بال پرنده
یونس کریمی
+ نوشته شده در ۱۳۹۲/۰۸/۱۶ساعت ۱۱:۱۷ ب.ظ توسط یونس کریمی
|
ایسترسن گئت من سیز
یاشا
گئت دومان سئز ، چن سیز یاشا
گئت خوشلوغو سونسوز یاشا
یئتر کی اَل چک
یاخامدان
گئت _ گئت آچئق اولسون
یولون
آچئلسئن قانادئن _
قولون
چیچکلَنسین ساغئن_سولون
یئتر کی ال چک
یاخامدان
باش قویمارام داهئ
چؤله
ویدالاشمام سنلن بئله
گئت سوینجله گوله_گوله
یئتر کی ال چک
یاخامدان
گئت اوره گیم دای اوزولمز
خیال ائتمه اوزوم
گولمز؟!
غورورومو آیاخلا
از
یئتر کی ال چک
یاخامدان
یونس کریمی
برچسبها:
اشعار ترکی,
تورکو شعرلر,
غملی شعرلر,
عکس عاشقانه یونس کریمی
+ نوشته شده در ۱۳۹۲/۰۸/۱۶ساعت ۱۰:۵۶ ب.ظ توسط یونس کریمی
|
نه چوخ گؤز
یاشیمی توکدوم سنون هجرونده ای یاریم!
مثال شمع ذوب اولدوم فراقونده جفا کارئم!
نه آغلار گؤزلریم
دوردو نه فیکروندن چئخا بیلدیم
اوزولدوم ،
اؤلدوم ، اینجیتمه!! ، سارالدئ رنگ رخسارئم
منیم شام سیاهیمدن خبر دار اولموسان
یا یوخ ؟
بیلیرسن گونلریم
گئچمیر، ستم پیشه دل آزارئم !
بوتون دونیامئ دولدوردو
سنون فیکرون سنون یادون
منیم ای قاتل جانئم ! منیم ای دادلئ دلدارئم !
گونش تک
چئخ ، یاغئش تک یاغ ، گوروللَه ایلدئرئملارتک
کی شاید
یام-یاشئل اولسون خزان وورموش بوگولزارئم
الهی ! یاندئم عشقیندن آلوولاندئم کوله دؤندوم
یئتیر جاندان عزیز یاری قوتولسون بو شب
تارئم
نیگاریم ! یونسم یونس سنون دیوانه بیر
یارون
اومیدیم وار کئ اول زولفون
اولایدئ حلقۀ دارئم
یونس کریمی
+ نوشته شده در ۱۳۹۲/۰۸/۱۵ساعت ۹:۵۸ ب.ظ توسط یونس کریمی
|
بولودلاردان ایلهام آلان گؤزلریم!
گؤل تک دولوب هی بوشالان گؤزلریم!
سونوندا تک - تنها قالان
گؤزلریم!
سنله نَه لَر یاشامئشام دونیادا!!!
دنیز - دنیز دالغالانان
گؤزلریم!
انتظاردان
سؤنوب – یانان گؤزلریم!
هر یالانئ
دوز اینانان گؤزلریم!
سنله نه لر یاشامئشام
دونیادا!!!
خیالئمئن پنجره سی سن
اولدون
اؤره گیمین بیر لال
سسی سن اولدون
بو عؤمرومون کور هوسی
سن اولدون
سنله نه لر یاشامئشام دونیادا!!!
کؤنول قانئن ایچیب–قوسان سن اولدون
من سوچ سوزو داردان آسان سن اولدون
هم سئوینن هم ده کوسن سن اولدون
سنله
نه لر یاشامئشام دونیادا!!!
گاه آغلادئق - گاهدا گولدوک
برابر
گاه سئویندیک - گاه اوزولدوک
برابر
هارالاردان بورا گلدیک
برابر
سنله نه لر یاشامئشام
دونیادا!!!
یونس
کریمی
سوچ:گناه دالغا:موج
+ نوشته شده در ۱۳۹۲/۰۸/۱۵ساعت ۹:۲۶ ب.ظ توسط یونس کریمی
|
عؤمرومون بولودسوز - دومانسئز یازئ
قارانلئق گئجه مین پارلاق اولدوزو
آغزئمئن دادئنئن بیر پارچا دوزو
سنیدین - سنیدین گؤزه ل سئوگیلیم!!
آغاران گؤزومون قارا گیله سی
سئودامئن یئخئلماز اومید قالاسئ
کدرلی باغرئمئن هرآن هوسی
سنیدین- سنیدین گؤزه ل سئوگیلیم!!
چنلی یوللارئمئن ائشئغئ - نورو
سئوگی اوجاغئمئن آلووو - قورو
تانرئنئن گؤزونون یاشئندان دورو
سنیدین - سنیدین گؤزه ل سئوگیلیم!!
دونیامئن بزه گی ، باشئمئن تاجئ
چاراسئز دردیمین سون بیر علاجئ
دویقومون قانادئ ، فیکریمین گوجو
سنیدین-سنیدین گؤزه ل سئوگیلیم!!
خیلقتین سئویملی گؤیچک ملگی
آرزولار باغئمئن گولو - چیچگی
بو یوخسول کؤنلومون تک جه ایستگی
سنیدین - سنیدین گؤزه ل سئوگیلیم!!
یونس کریمی
برچسبها:
شعر ترکی,
اشعار ترکی,
یونس کریمی,
تورکو شعر
+ نوشته شده در ۱۳۹۲/۰۸/۱۵ساعت ۱۲:۲۴ ق.ظ توسط یونس کریمی
|
مزاریم اوستونَه گلمَه بیر داها
یانوندا اولارکن آز اینجیت می سن؟؟
توُخونما قبریمین داشئنا بئله
باری! قوُی بورادا راحات اویوم من
الوندَه ن اوچان قوش بیر داها دؤنمَه ز
اوخشویوب سئزلاما ، آغئت سؤیلَه مَه
آچئلماز اوزونه بو داش قاپئم دای
گؤزونون یاشلارئن بوشا اَله مَه
قفسدَه ن بیر سارای تیکمیشدین مَنَهَ
کؤنلومون قوشونو سالمئشدئن تورا
سئخمئشدون جانئمئ قئزئل قفسدَه
قلبیمین حیسسی نی چکمیشدین دارا
دیری کن قدریمی بیلمَه دین ، ایندی
چئرپئرسان باشووو قبیر داشئما ؟ !!!
ابدی یوخویا گِئدَه ن دورانمَز
دونیانئن تُورپاغئن تؤکسؤن باشونا
یونس کریمی
برچسبها:
شعر ترکی,
اشعار ترکی,
یونس کریمی,
تورکو شعر
+ نوشته شده در ۱۳۹۲/۰۸/۱۴ساعت ۱۱:۲۶ ب.ظ توسط یونس کریمی
|
منسیز غم قوشو قوناجاق باشووا
طالعووون رنگی قارالاجاقدئر
بوش یئریمه گؤزون توخونسا اگرکؤنلووون باغچاسئ سارالاجاقدئر
تنهالئق سئخاجاق جانووئ سنون
دووارلار یویوروب اوستووه گله جک
بوغاجاق قارانلئق گئجه لر سنی
خیالیم شیرین یوخونو بؤله جک
کدرله نه جکسن هر صوبح _ هر آخشام
عؤمور بویو اوزون گولمه یه جکدیر
بیرآن سندن اوزاق قالمایان آدام
بیرداها یانووا گلمه یه جکدیر
یونس کریمی
+ نوشته شده در ۱۳۹۲/۰۸/۰۳ساعت ۱۲:۵۴ ق.ظ توسط یونس کریمی
|
گئتدی عؤمرومون باهارئ
گوللری حسرت بورودو
سولدو سارالدئ نغمه لر
دیللری حسرت بورودو
گلدی یئتیشدی قئش چاغئ
سؤندو سئوگیمین اوجاغئ
سانکئ شاختا یاخدئ باغئ
چؤللری حسرت بورودو
باغرئم اوسته چؤکدو دومان
اوره ک ائویم اولدو تالان
دوردو آمان سئز بو زامان
ایللری حسرت بورودو
غم یانئمدا کؤلگه لندی
آرزئلارئم کیلکه لندی
ساچلارئما توز الندی
تئللری حسرت بورودو
دؤندو گوندوزوم گئجه یه
یار الویدا دئیه _ دئیه
من غم _ غصه یئیه - یئیه
ائللری حسرت بورودو
خان چوبان اولدو ساراسئز
هارا گئتسین بو چاراسئز
بوغولدو غیرتلی او قئز
سئللری حسرت بورودو
یونس کریمی
+ نوشته شده در ۱۳۹۲/۰۸/۰۳ساعت ۱۲:۴۳ ق.ظ توسط یونس کریمی
|
یار آتدئ منی گئتدی بو حالیم بتر اولدو
عؤمروم اونون عشقینده
توکندی هدر اولدو
چوخ نازینی چکدیم ، سازئنا اوینادئم ، امّا
بیلمم او وفاسئز یارئما من نئلر اولدو
غمخانه یه دؤندو جان ائویم اود کیمی یاندئ
یاندئقجا وجودیم
آلئشئب شعله
ور اولدو
آخدئردئ او ظالیم گؤزومون یاشینی
گئتدی
آردئندا بو گؤز یاش سئله
دؤندو خزر اولدو
سولدو بواوره ک غنچه سی هیجرینده
سارالدئ
دریای غمینده اووولوب غوطه ور
اولدو
نالم بورودو عالمی یاندئردئ
جهانی
آهیم نه سببدن او یارا بی اثر اولدو؟ !
یونس یارانئب
غم چکه غدّارین الیندن
چکدی غم و دردین کام آلان اؤزگه لر اولدو
یونس کریمی
.jpg)
+ نوشته شده در ۱۳۹۲/۰۸/۰۳ساعت ۱۲:۵ ق.ظ توسط یونس کریمی
|
گئتدیم ای یاریم ! نیگاریم ! جان و جانان ! الویدامحشره قالسئن حسابئم نا مسلمان ! الویدا
باغلامئشدئق قانیلن پیمان اونوتدون ، سن نئدن بیوفا لئق ائیله دون ؟ بد عهد و پیمان ! الویدا
خون دل سنسیز من ایچدیم تا یئتم بیرگون سنه یئتمه دیم ، یاخدئن منی ای دوشمن جان! الویدا
بسله میشدیم من سنی اشک دل و چشمانیلنایندی گز اغیاریلن ای قلبی داشدان ! الویدا
چوخ ستملر ائیله دون بیرگون شکایت ائتمه دیم ای ستمگر ! گؤزلریمدن آخدئران قان ! الویدا
گئتدیم آخر من یانوندان باغرئمئ قان ائیله ین! کؤنلومون شهرین ائدن غارت وَ ویران الویدا
باغلادئم بارسفر دوشدوم یولا ای بیوفا !چونکو گؤردوم اولمادون دردیمه درمان الویدا
یونسم مجنون تک غم مولکونون آواره سی غم یئمکدن دویمارام دوشمم آیاقدان الویدا
یونس کریمی
+ نوشته شده در ۱۳۹۲/۰۸/۰۲ساعت ۱۱:۴۶ ب.ظ توسط یونس کریمی
|
