نیسگیللی شعرلر (یونس کریمی)

منسیز غم قوشو قوناجاق باشووا

طالعووون رنگی قارالاجاقدئر

کؤنلووون باغچاسئ سارالاجاقدئر

تنهالئق سئخاجاق جانووئ سنون

دووارلار یویوروب اوستووه گله جک

بوغاجاق قارانلئق گئجه لر سنی

خیالیم شیرین یوخونو بؤله جک

کدرله نه جکسن  هر صوبح _ هر آخشام

عؤمور بویو اوزون گولمه یه جکدیر

بیرآن سندن اوزاق قالمایان آدام

بیرداها  یانووا  گلمه یه جکدیر

                                         یونس کریمی