گؤستر ای گول ! اوزونو بولبول نالانه
گئنه
گلگینن نازیله جانا ! بو گولوستانه
گئنه
عاشیقم جان و کؤنولدن سن دیوانه یه من
گل قوراق عشقیمیزه خانه و
کاشانه گئنه
گؤستر ای ماه منوّر ! رخ پنهانووی سن
تا گؤزوم بیرده ساتاشسئن مه تابانه گئنه
گل کناریمده اوتور
کؤنلومو آل شوره
گتیر
من ووروم شانه
او گیسوی پریشانه
گئنه
نه قدر گیزله ده جکسن گؤزه لیم! گول اوزونو؟
قالدئم حسرت ده ،دولوب
خانۀ دل قانه
گئنه
گؤزلریم یولدا قالئب رنگ روخوم دای سارالئب
گل دولانیم باشووا ، عشقیله ، مستانه
گئنه
نه اولور؟ گل! سنی تانرئ منیم
امدادیمه چات
یونسی یاخما گولوم ! آتش هیجرانه گئنه
یونس کریمی
برچسبها:
اشعار ترکی,
تورکو شعرلر,
غملی شعرلر,
عکس عاشقانه
+ نوشته شده در ۱۳۹۲/۰۹/۲۳ساعت ۱۱:۱۴ ب.ظ توسط یونس کریمی
|
گؤز یاشلارئم قوروماز
طالع منه یاراماز
آیلار- ایللر یئریمز
سندن آیرئ دوشرسم
یازئم پایئزا دؤنر
سئوگیمین کؤزو سؤنر
هیجران گولر سئوینر
سندن آیرئ دوشرسم
بولودلارئ غم باسار
اؤتن بولبوللر سوسار
گؤیدن اولدوزلار کوسر
سندن آیرئ دوشرسم
زامان منی داغلایار
عؤمروم گونلری سایار
حسرت جانئما قئیار
سندن آیرئ
دوشرسم
اؤتن : اوخویان سوسار:ساکت اولار جانا قئیماق:جانئ آلماق
یاراماز: فایدالئ اولماز،فایداسئز
یونس کریمی
برچسبها:
اشعار ترکی,
تورکو شعرلر,
غملی شعرلر,
عکس عاشقانه
+ نوشته شده در ۱۳۹۲/۰۹/۲۳ساعت ۱۱:۱ ب.ظ توسط یونس کریمی
|
یاغئرئ غم یاغئشئ یاشلئ گؤزومدن بو
گئجه
قورتولوش یوخدو الیندن نئینه ییم من
بو گئجه
یالنئزام ، یوخدو یانئمدا
او وفا سئز یارئم
اونو شیرین یوخو بوغموش منیده چن بو گئجه
سئزلایئر منله برابر سینه ده مرغ کؤنول
چئرپئنئر تا چئخا نیسگیللی قفسدن بو گئجه
بو قارانلئق گئجه نین رنگینی هئچ خوشلا مئرام
چون سالئر یادیمه
اؤز بختیمی ، بیردن بوگئجه
بلکه یارسئن گئجه نین قارنئنئ ، گون تئزچئخسئن
ائلیرم شکوه سمایه من الیندن بو گئجه
قورخورام گؤرمه دن اول صوبحو، اوآیدئن سحری
بوغولام بحر غم ایچره قویلانام
من بو گئجه
تؤکمه گؤزیاشینئ یونس ! ائله مه باغرووو
قان
باغلا غم سوفراسئنئ ،
یوم گؤزونو سن بو گئجه
یالنئز:تک-تنها چن:دومان،مهیونس کریمی
برچسبها:
اشعار ترکی,
تورکو شعرلر,
غملی شعرلر,
عکس عاشقانه
+ نوشته شده در ۱۳۹۲/۰۹/۲۳ساعت ۶:۲۶ ب.ظ توسط یونس کریمی
|
وصف جمالونده گلیب عالمی حیران ائلرم
بیر کره گؤرمگه
سنی جانیمی قوربان ائلرم
باخما بئله
رام اولوب صبر و
قرارئن کانئیام
بیر گون اگر اولمایاسان یئر - گؤیو ویران ائلرم
سن کی ووروبسان
یارالار قلبیمه آی قانلئ باخئش!
من نئجه سن سیز گؤزه لیم! دردیمی درمان
ائلرم
سن او طراوتلی باغئن قرمزئ
خندان گولو سن
من سارئلئقدان اوزومو
شرمیله پنهان ائلرم
یونسم عشقه سرورم
یار یولوندا پرپرم
پیشمه میش عاشیقلری من ، عشق
یولوندان ائلرم
یونس کریمی
برچسبها:
اشعار ترکی,
تورکو شعرلر,
غملی شعرلر,
عکس عاشقانه
+ نوشته شده در ۱۳۹۲/۰۹/۲۰ساعت ۱۰:۵۳ ب.ظ توسط یونس کریمی
|
یاندئردئ انتظار ، قوووردو
منی
یوللارا باخماقدان گؤزوم
یورولدو
کول ائتدی ، گؤیلره سوووردو
منی
باغرئمدا آلوووم _ کؤزوم
یورولدو
اکیلدیم
بو یئرده ، بیر سؤیود کیمی
آلدئم قوجاغئما کدری - غمی
یئره قویانمادئم
من بو یوکومو
توکندی طاقتیم ، دیزیم
یورولدو
کاروان - کاروان آرزئ ایچیمده
اؤلدو
آیاقلار آلتئندا اومیدیم قالدئ
آیرئلئق خنجری باغرئمئ
بؤلدو
بو هیجران یولوندا
ایزیم یورولدو
آجئغئم دای گلیر دؤزومدن منیم
کؤچوبدور چیچکلر یازئمدان منیم
کوسوب خوش ماهنئ لار سازئمدان منیم
حزین چالمالاردان سازئم
یورولدو
بیلمَه دیم بو درده هئچ
نئجه دؤزدوم
گؤزومون یاشلارئن بیر ساپا دوزدوم
آغئت لار سؤیله دیم شئعیرلر یازدئم
قورودو قلمیم ، سؤزوم
یورولدو
یونس کریمی
آغئت:مرثیه 
برچسبها:
اشعار ترکی,
تورکو شعرلر,
غملی شعرلر,
عکس عاشقانه
+ نوشته شده در ۱۳۹۲/۰۹/۲۰ساعت ۱۰:۳۴ ب.ظ توسط یونس کریمی
|
سالدئ بنده کؤنلومو
زولف پریشانون سنون
ائتدی دیوانه منی
اول ماه تابانون
سنون
آلدئ زولف کافرون مندن صنم!
ایمانئمئ
سانکئ ای جنّت پریسی! یوخدو ایمانون سنون
خنجر ابرولروندن قورخورام قانیم تؤکه
قتلیمه فرمان وئره اول
چشم شیطانون سنون
یاخدئ شمع جانیمی ذوب ائتدی عشقین آتشی
گل! ترحّم قئل کئ یاندئم ، یانماسئن جانون سنون
اولموشام ای لاله رخ! من حوسن رویون مایلی
سولماسئن هئچ بیرزامان باغ وگولستانون
سنون
یونسم عشقونده هردم سؤیلرم دونیایه
من:
کاش اولایدئم دلبریم! بیرگون ده قوربانون سنون
یونس کریمی
برچسبها:
اشعار ترکی,
تورکو شعرلر,
غملی شعرلر,
عکس عاشقانه
+ نوشته شده در ۱۳۹۲/۰۹/۱۹ساعت ۱۱:۵۶ ب.ظ توسط یونس کریمی
|
دوشموشم دیلدن نظردن اولموشام بیگانه
من
هر گئجه - گوندوز غموندن
آغلئرام دیوانه من
بیلمه دیم آخر نَه دَن گئتدون
منی ترک ائیله دون
ای وفا سئز! دای وورولمام
سن کیمی جانانه من
قارَه گؤزلوم!!! قانَه
دؤندردون منیم گؤز
یاشیمی
گئت ستم بسدیر
داهئ گلدیم
الوندن جانه من
ای پری! پروانه تک سن ده
یانار سان بیر زامان
ایندی گول بوحالیمه
چون اولموشام پروانه
من
گز دولان اغیاریلن
وور طعنه لر جانا ! هله
بی مروّت ! دای اینانمام سن کیمی
شیطانه من
حیف یونس عؤمرونو بوم _ بوش هدر ائتدی،دئدی :
تئز آیئلدئم شکر قئللام درگه رحمانه من
یونس کریمی
برچسبها:
اشعار ترکی,
تورکو شعرلر,
غملی شعرلر,
عکس عاشقانه
+ نوشته شده در ۱۳۹۲/۰۹/۱۹ساعت ۱۱:۱۶ ب.ظ توسط یونس کریمی
|
تیکیلیب گؤزلریم اوزاق
یوللارا
بو سونسوز جادالار
گوده لرمی هئچ؟
نیگاران- نیگاران باخئر هر یانا
اومید سیز بو گؤزلر بیر گولر می هئچ؟
یول
سالئب زامانئن دریننیگینه
بو زامان ایَه جَک
بوکه جَک بئلین
دئیه
سن حسرتله اولوب
قول- بویون
سانکئ
بو دونیادان اوزوبدور الین
غرق اولوب گومانئن
دنیزلرینده
یئتیشمیر بیر یئره لال اولان
سسی
ساحیل سیز گمی دئ ، دالغالار
ایچره
سئنئبدئر یئلکنی ، یوللار خسته سی
یالوارئر گؤر نئجه
اؤتن ایللره
سؤیله ییر:
قایتارون او خوش گونلری
قایتارون کورپه لیک
چاغئما منی
گؤرمَه ییم بیر داها
بو بوش گونلری
یونس کریمی
اؤتن:گئچن-سوووشان بوش: بیهوده،خالی می: آیا چاغ:زامان
سانکئ:مثل اینکه یئلکن: بادبان کشتی گمی: قایق
برچسبها:
اشعار ترکی,
تورکو شعرلر,
غملی شعرلر,
عکس عاشقانه
+ نوشته شده در ۱۳۹۲/۰۹/۱۹ساعت ۸:۳۱ ب.ظ توسط یونس کریمی
|
بیر گون باشون دَیَر داشا
ایلک باهارون دؤنر قئشا
دالئمئجان کوشا - کوشا
گلسَن ده هئچ فایداسئ یوخ
طوفان
قوپار گؤزلروندن
حسرت یاغار
سؤزلروندن
سوراغئمئ ایزلریمدن
آلسان دا هئچ فایداسئ یوخ
اورَه گووون کؤزو سؤنر
طالِعووون چارخئ
چؤنر
مندن سونرا یوز یول اگر
اؤلسؤن
ده هئچ فایداسئ یوخ
یونس کریمی
کوشا_کوشا : قاچا _قاچا ایز: آیاق رددی
برچسبها:
اشعار ترکی,
تورکو شعرلر,
غملی شعرلر,
عکس عاشقانه
+ نوشته شده در ۱۳۹۲/۰۹/۱۹ساعت ۷:۵۵ ب.ظ توسط یونس کریمی
|
آرامئزدا فاصله لر ، یئر سالئب
ایکی کؤنول ، بیربیریندن آیرئلئب
سئوگیمیزین رنگی سولوب سارالئب
گل بارئشاق، بیرده گولک سئوگیلیم!
آرزئلئرام
قوجاغوندا اؤلمگی
قویما
اؤله ایچیمده کی ، بو سئوگی
هیجران اودو
یاخئبدئ بو اؤره گی
گل بوکمه میش قدّی فلک سئوگیلیم!
داغلار باشئن قارا بولود آلدئ گل!
اوره ک گؤلو نیسگیللرله دولدو گل!
کؤچدو باهار بنؤشه لر سولدو گل!
گل اسمَه میش عؤمره
کولَک سئوگیلیم!
یونس کریمی
برچسبها:
اشعار ترکی,
تورکو شعرلر,
غملی شعرلر,
عکس عاشقانه
+ نوشته شده در ۱۳۹۲/۰۹/۱۹ساعت ۷:۳۶ ب.ظ توسط یونس کریمی
|
ای کی! کؤنلوم قان اولوب هیجرونده، اولدوم یار! گل!
نور چشمیم سؤندو لوطف ائت، عالم انوار!
گل!
د رد هیجرون یاندئرئر
آتش مثالی جانیمی
بو نه اود دور
کئ سالئب سان جانیمه، قورتار، گل!
نه گئجه م گوندوز
اولور ، نه گؤزلریم
بیرجه اویور
دل پریشان یارووو آل غم الیندن یار! گل
سئوگیلیم! عشقون منی رسوای عالم ائیله ییب
بیر ترحّم ائیله جانا
! قئلگئنان ایثار گل !
دوشموشم مجنون تک لیلا ! دالئنجان چؤللره
سن ده اول اؤز یارووه ، مجنونووه ، غمخوار
گل!
درد بی درمانئمئن درمانئ
سان سن ای پری!
قالمایئب تابئم - توانئم ، اولموشام بیمار گل!
گئچدی اول فصل
خزان یئتدی بهارین موسمی
تک جه سن قالدون گولوم ! ای
لالۀ گولزار! گل!
نقد جانیمدیر
بهای وصل اول جانانیمین
سؤیله یونس ! عشقیلن ای رونق بازار! گل
یونس کریمی
برچسبها:
اشعار ترکی,
تورکو شعرلر,
غملی شعرلر,
شعر انتظار
+ نوشته شده در ۱۳۹۲/۰۹/۱۹ساعت ۷:۱۰ ب.ظ توسط یونس کریمی
|
