بو دونیانین یوخدو کاری
ایچی دولو یاخچی لیخ سان
چایدا اوزن بیر بالیخ سان
اوز گئت دریالارا ساری
بو دونیانین یوخدو کاری
دونیانی دؤرت اللی توتما
انسانلیغی اوجوز ساتما
حارامی حالالا قاتما
عؤمرون اولدو آخی یاری!!!
بو دونیانین یوخدو کاری
تئز _ گئج اؤلوم یئتیشه جک
او دونیاوا دوز توخوم اک
اول فرشته ، اول بیر ملک
مظلوما ، ظولم ائتمه باری!!!
بو دونیانین یوخدو کاری
قلبون حسرتلرله دولو
ایری یولدان سئچ دوز یولو
گؤیدن یاغسا دا ، داش _ دولو
اوز گئت دریالارا ساری
بو دونیانین یوخدو کاری
یونس کریمی
+ نوشته شده در ۱۳۹۳/۰۷/۱۵ساعت ۱۰:۴۱ ب.ظ توسط یونس کریمی
|
